Bölvuð hitasvækja

Ég ætlaði varla að geta komist í bæinn á reiðhjóli mínu fyrir hitasvækjunni í dag, sunnudag, eftir tveggja vikna ferðalag um hálendið. Það er orðið deginum ljósara að aumustu miðstöðva- og lazy boy púkar geta ekki lengur borið fyrir sig veðráttunni ef það telur að hjólreiðar henti ekki á Íslandi.

Ég mæli með því að hjólreiðafólk á Íslandi taki aðstandendur http://www.worldnakedbikeride.org/ sér til fyrirmyndar. Það verður þá líka hægt að kæra Íslensku lögrugluna fyrir þukl og káf ef kemur til lögrugluofbeldis eins og þegar þjóðhetjurnar frá http://www.savingiceland.org/node/838 gengu hér um götur.

Fallegir dagar víðast hvar um landið

Hættið þessu bílabulli!

Það á alls ekki að fara út í að byggja mislæg gatnamót við KRIMI . Það er í raun fáránleg framkvæmd þar sem umferð er ekki meiri en hún er. Íslenskir bílstjórar eru ákaflega óþreyjufullir og taugaveiklaðir undir stýri. Þeir eru líka haldnir alvarlegum greindarskorti ef þeir halda að mislæg gatnamót við KRIMI bjargi einhverjum umferðarvanda. Ef einhverjum finnst bílumferðin mikil á þessum stað þá þarf að taka á því með vistvænum hætti. Það má t.d. fara um gatnamótin utan annatíma, þ.e.a.s fyrir utan þessa tvo tíma á sólahring sem allir setjast samtímis undir stýri. Þá ætti fólk að taka strætó. Svo er heldur ekki að finna neinar hjólreiðabrautir á þessum stað eða almennt á höfuðborgarsvæðinu. Það má því hefja framkvæmdir við lagningu hjólreiðabrauta. Erlendis, eins og t.d. í Hollandi væri bílaumferðin 30% minni við svona gatnamót þar sem 30% allra ferða þar eru farnar á reiðhjólum. Er það vegna þess að í því landi eru hjólreiðabrautir lagðar til jafns á við akbrautir. Hjólreiðar eru því alvöru valkostur í því landi. Þó ekki væri nema 10% aukning á hjólreiðum á Íslandi þá mundi sparast mikið fé við gerð galinna bílamannvirkja eins og þessara mislægu gatnamóta við KRIMI . Ég hvet fólk til að gefa sér tíma til að skoða málið frá öllum hliðum. Það er fullt af fólki sem býr í næsta nágrenni við þessi gatnamót. Hávaðamengun mun aukast mikið frá þessum stað því umferðaháfaði eykst í beinu hlutfalli við umferðarhraða. Bílamannvirki sem ganga út á það eitt að auka flæði bílaumferðar gera ekki annað en auka enn frekar á notkun bíla sem nú þegar er orðið alvarlegt vandamál. Framkvæmdin mun auka loftmengun s.s. losun koltvíeldis og svifrykmengun. Mislæg gatnamót hafa aldrei verið hönnum hér á landi með það í huga að auka flæði allra vegfarenda. Framkvæmdin mun því að vanda bitna á gangandi og hjólandi vegfarendum sem eru þær samgöngur sem borgaryfirvöld verða að fara horfa til. Ég vona að núverandi borgarstjórnarmeirihluti hafi vit á því að fara EKKI í þessa fáránlegu framkvæmd. Þó Sjálfstæðisflokkurinn hafi lofað þessu fyrir síðustu kosningar þá verður það þeim aðeins til tekna ef þeir hætta við. R-listinn gerði litið annað en mistök á sínum valdatíma þegar horft er til samgangna í Reykjavík. Það eina sem R-listinn gerði rétt var í raun að hafna mislægum gatnamótum við KRIMI . Ef bæta á samgöngur í Reykjavík þá þarf að MINNKA BÍLAUMFERÐ með því að bjóða upp á aðra valkosti, ekki bara í orði heldur líka á borði. Gerum hjólreiðar og almenningssamgöngur að raunhæfum valkosti þá verður meira pláss á akvegum fyrir þá sem í raun þurfa á bílum að halda. Arðsemi samgöngumannvirkja verður meiri vegna minna slits og það besta af öllu, borgin verður hreinni, hljóðlátari og heilbrigðari.

Öskjuhlíðagöng í stað mislægra gatnamóta?

Til hamingju með kaflaskilin

Ég óska austfirðingum innilega til hamingju með sín kaflaskil. Nú geta þeir unað glaðir við sitt um "alla framtíð". Ég vona að sem flestir fái tækifæri til að hræra í báxít í fallegum asbestbúningi. Það er svo sannarlega ákaflega eftirsóknarvert og heppilegt starfsumhverfi fyrir austfirðinga.  

Allt sem austfirðinga hefur dreymt um getur nú orðið að veruleika. Stærri og fleiri flatskjáir inn í hvert herbergi, jafnvel inn á klósett. Ný eldhúsinnrétting, svona bara af því bara, eða vegna þess að það passar betur við nýja krómaða ameríska ískápinn eða nýja heimilishundinn. Dýrari íbúðir og stórfenglegri skuldir.  Stærri, nýrri, öflugri og fleiri bíla ofl. ofl.

Það er draumur að geta hugsað og framkvæmt eins og allt þetta lið á höfuðborgarsvæðinu.

Nú er bara að heimta fleiri göng, breiðari hraðbrautir og mislæg gatnamót við öll gatnamót eins og alvöru Reykvíkingar öskra á alla daga, svo lengi sem það er ekki nærri þeirra eigin húsum.  Austfirðingar hafa svo sannarlega fengið sín kaflaskil. Til hamingju með það og velkomnir í einsleitnina.

 

Kaflaskil á Austurlandi

Flokkur á röngum stað og tíma

Mikið ofboðslega eru þessir forpokuðu framsóknarmenn miklir aular.  Þeir skilja ekki enn hvers vegna þjóðin vill ekki sjá þá. Allt snýst um að halda völdum með góðu eða illu. Það lið sem kom nálægt Kárahnjúkavirkjun og gaf þar með íslensku fjallkonunni náðarhöggið stóð þar með líka að sínu pólitíska sjálfsmorði. Valgerður er ein þeirra. Gangi henni vel að grafa gröf XB

Valgerður kjörin varaformaður Framsóknarflokksins

Bílamálaráðherrann

Vá! hvernig er þetta hægt? Fáránlegri verðlaun hef ég ekki séð í langan tíma. Þessi maður hafði ekki áhuga á umferðaöryggi þó hann hafi notað það orð í sinum ræðum. Var það bílgreinasambandið eða einhver bílasali sem veitti honum þessi óverðskulduðu verðlaun? Hann var aðeins bílamálaráðherra, ekki samgönguráðherra. Hann studdi aðeins hagsmuni hættulegustu vegfarendana þ.e. óþreyjufullra ökumanna. Í valdatíð sinni gerði hann ekkert annað en að auka flæði bílaumferðar og greiða leið hennar. Á meðan sátu hættuminni, hollari og vistvænni samgöngur á hakanum. Sjá nánar:

http://www.islandia.is/lhm/BrefLHM/2004/athumferd.htm

Sturla Böðvarsson fékk heiðursverðlaun

Elsku bíllinn minn og ég

Merkilegt hvað fáir bloggarar þora að tjá sig um þessa frétt. Líklega vita allir upp á sig skömmina. Ég gæti trúað því að ástandið sé ekkert betra hér á landi en á verstu stöðum í USA. Íslenskir ökumenn beita líklega fremur bílnum til að ógna samferðamönnum sínum en kjaftinum og flautunni eins og mig grunar að gert sé víða erlendis.

Ég sem hjólreiðamaður hef oftar en ekki komst í hann krappan í glímu minni við misgáfaða ökumenn.  Sem dæmi þar sem ökunám hér á landi er ákaflega fábrotið eru íslenskir ökumenn ákaflega fáfróðir um rétt hjólreiðafólks á akbrautum. Það hefur því oft gerst að ökumenn hafa sýnt mér ógnandi tilburði með því að þvinga mér út í vegkantinn og öskra samtímis að ég eigi að andskotast af akbrautunum og vera á gangstéttum. Ef þeir hefðu einhvertíma fengið ökunám við hæfi sem tæki mið af því að búa til góða ökumenn fremur en magn, þá kæmust þeir að því að hjólandi vegfarendur hafa sama rétt á því að vera á akbrautum og ökumenn. Hjólreiðamaðurinn er hinsvegar aðeins gestur á gangstéttum.

Íslenskir ökumenn taka ekkert tillit til umferðar sem fer eftir gangstéttum. Það er því stórhættulegt að hjóla eftir gangstéttum t.d. vegna inn-og útkeyrslna við öll hús.

"Trabant syndron" virðist hrjá ansi marga íslenska ökumenn þegar kemur að samskiptum við hjólandi vegfarendur. Þannig skiptir engu á hvaða hraða hjólreiðamaður er á, ökumaður þarf alltaf að fara fram úr honum, lika í 30Km hverfum. Það er líka lenska að byrja á því að fara frammúr hjólreiðamanni áður en tekin er hægri beygja.

Fyrir alla hjólreiðamenn sem vilja komast stóráfallalaust í gegn um lífið mæli ég með því að þeir læri að varast slysin með því að þekkja galla íslensku ökumannanna. Það má t.d. gera á http://bicyclesafe.com/

Orsökina fyrir slæmri umferðamenningu á íslandi er ekki síst að finna í hönnun umferðamannvirkjana. Allt um það á vef Landssamtaka hjólreiðamanna http://hjol.org  eða beint: http://www.islandia.is/lhm/BrefLHM/2004/athumferd.htm

Og að lokum er hér myndband sem dæmir sig sjálft:  Gamla konan og Benzinn

Ökumenn í Miami mestu ruddarnir

Heimskuleg samgöngutækni

Það ætti að vera meginmarkmið umferðaröryggisáætlunar að fá fólk til að nota önnur farartæki en bíla.  Almenningsvagna, ganga eða hjóla.  Hér eru fréttir af slysum og heilmiklu bílabulli síðustu klukkutíma:

Innlent | mbl.is | 16.5.2007 | 13:26

Bíll lenti útaf Nýbýlavegi

Innlent | mbl.is | 16.5.2007 | 12:17

Framsóknarmenn taka afstöðu til stjórnarsamstarfs í dag

Innlent | mbl.is | 16.5.2007 | 6:20

Ökumenn slösuðust í hörðum árekstri á Kalkofnsvegi í gærkvöldi

nnlent | mbl.is | 15.5.2007 | 18:59

Ökumaður missti stjórn á bifreiðinni sem hafnaði ofan í skurði

Innlent | mbl.is | 15.5.2007 | 16:29

Slapp með skrekkinn á Borgarfjarðarbrú

Innlent | mbl.is | 15.5.2007 | 16:15

Bílvelta á Biskupstungnabraut

Innlent | mbl.is | 15.5.2007 | 15:59

Keppir í sparakstri á 550 hestafla ofurbíl

Innlent | mbl.is | 15.5.2007 | 13:53

Handtekinn eftir þriggja bíla árekstur

Innlent | mbl.is | 15.5.2007 | 6:22

Á 150 km hraða á Reykjanesbraut

Innlent | mbl.is | 14.5.2007 | 21:30

Ekið á dreng á reiðhjóli

Innlent | mbl.is | 14.5.2007 | 16:22

Dæmdur í árs fangelsi fyrir ofsaakstur

Innlent | mbl.is | 14.5.2007 | 16:16

Tekinn á 156 km/h undir Hafnarfjalli

Innlent | mbl.is | 14.5.2007 | 14:12

Fjórtán ökumenn teknir fyrir ölvunarakstur

Innlent | mbl.is | 14.5.2007 | 13:15

Tveggja mánaða fangelsi fyrir umferðarlagabrot

Innlent | mbl.is | 14.5.2007 | 10:37

Veifuðu byssu framan í ökumann dráttarvélar á Þorlákshafnarvegi

Innlent | mbl.is | 14.5.2007 | 7:55

Ók beltagröfu á malbikuðum vegi

Innlent | mbl.is | 14.5.2007 | 6:19

Tekinn á 171 km hraða

Bíll lenti útaf Nýbýlavegi

Krefjumst kosninga á hverju ári.

Ef þessi framganga kallast ekki framsóknamennska eða hræsni, þá veit ég ekki hvað. Það er teljandi á fingrum annarrar handar þegar Framsóknarflokkurinn hefur gert eitthvað af viti í sínum ráðuneytum. Þetta er eitt af þeim þó það sé ekki stórt. En það er greinilegt að við þurfum að hafa kosningar á hverju ári. Það ætti að vera ein mikilvægasta krafa þjóðarinnar til næstu ríkisstjórnar, ekki síst þegar þjóðin hefur ekki vit á því að skipta stöku sinnum um ráðamenn.

Samið um tannlæknaþjónustu og forvarnarskoðanir 3 og 12 ára barna

Mútufé eða styrkur?

Gott að reglur voru settar um fjárgjafir til stjórnmálaflokkana. Þegar leyndin og spillingin var sem mest styrktu þessir bílainnflytjendur sem líkja mætti við dópinnflytjendur líklega aðeins Íhaldið og Framsókn. Nú neyðast þeir til að láta alla fá sömu upphæð. Annað væri vart sæmandi í þjóðfélagi sem þarf að sýnast slétt og fellt. Líklega er þetta svo minni heildarupphæð þegar allt er talið.
Bílar ættu þá að verða mun ódýrari eftir þessar kosningar...það er reyndar ekki sérlega gott mál. Þessi lata og óskipulagða þjóð þarf á öðrum farartækjum að halda en bílum.
Svona til gamans fyrir þá sem láta glepjast og kaupa bíla hér á landi þá fer u.þ.b. 20% af verði bíls í auglýsingar og svona "styrki". 

Brimborg styrkir alla stjórnmálaflokka um 300 þúsund krónur

Sport við hæfi

Þetta er nú varla fréttnæmt. Ég hef alltaf sagt það að Gólf er alveg passleg hreyfing fyrir ellilífeyrisþega. 

102 ára kona fór holu í höggi