Framsókn í umhverfismálum

Það hljómar alltaf einkennilega þegar Framsóknarmenn tala um umhverfismál. Það er líklega komin einhver kosningaskjálfti í þá. En hér verð ég að vera sammála Jónínu. Vandmál heimsins er jú auðvitað brennsla jarðefnaeldsneytis hvor sem það er í formi olíu eða annar efna sem bundið hafa koltvíeldi. Við mættum þó brenna meira gas, þá metangasi. En stærsta vandamálið er taumlaus orkusóun þeirra 20% jarðarbúa sem sólunda 80% allrar núverandi orkuframleiðslu og heimtar stöðugt meira og meira. Það er fyrst og fremst heppni að við íslendingar búum við jarðhita og vatnsorku annars væri frammistaða okkar í umhverfismálum líklega sú versta sem finna mætti í mannheimum. Orkusóun okkar íslendinga og losun koltvíeldis hefur bara aukist frá því 1990 og það er ekkert sem bendir til þess að hún eigi eftir að minnka þó því hafi verið lofað. Það er staðreynd sem t.d hugviti Framsóknarflokksins er um að kenna.

Þekking mikilvægt framlag til lausnar loftslagsvandans

Sniðugir Makedóníumenn

Fyrst ráðherra telur sig of fínann til að vera á vistvænu og heilsusamlegu reiðhjóli þá má virða það við Makedóníumenn að þeir nýttu bílinn í stað þess að eyða honum. Hér á landi hefði honum verið eytt eins og hverju öðru smygli, enda skipta íslenskir borgarar og ráðherrar jafn oft um miljónabíla og nærbuxur. Það bendir því allt til þess að opinber fjársýsla og meðvituð endurvinnsla í Makedóníu sé í góðu lagi.

Bíll sem stolið var frá Beckham er nú ráðherrabíll í Makedóníu

Föðurímynd

Ætli skýringuna á þessu mikla fylgi Sjálfstæðismanna sé að finna í leit almennings að föðurímyndinni?  Börn sem vart hafa séð föður sinn vegna mikillar yfirvinnu leita nú síðar að föðurímyndinni í Geir Haarde.    Ég man þá tíð þegar ég fékk í fyrsta sinn kosningarétt og hafði ekki hundsvit á pólitík þá kaus ég Sjálfstæðisflokkinn líklega vegna klæðaburðar  forustumann flokksins. Mér fannst eitthvað "föðurlegt" við þetta karlastóð.
Siðar þegar ég þornaði bak við eyrun og ég fór að hugleiða pólitík þá áttaði ég mig á því að Sjálfstæðisflokkurinn var ekki flokkur fólksins heldur flokkur sérhagsmuna og græðgisvæðingar. Ég hef því ekki kosið flokkinn nema í þetta eina skipti.
Íslendingar fara merkilega illa með það tækifæri sem þeir hafa til að þróa og bæta sitt samfélag. Þeir virðast ekki átta sig á því að pólitík er ekki fótboltafélag heldur afl sem hefur áhrif allt samfélagið, umhverfi og náttúru.
Líklega hefði einræðisherrann Franco bara haft mikið og hugljúft fylgi hér á landi hefði honum dottið í hug að drottna yfir Íslendingum.

Sjálfstæðisflokkur með rúm 40% og VG með 21%

Framkvæmd á villigötum

Þvílíkt bull. Það kostar líklega talsverða orku að dæla þessu koltvíildisríka vatni niður í borholur. Ég vona bara að menn hafi ekki ekið með dæluna að borholuni því henni fylgir líklega líka díselrafstöð . Hvers vegna dettur mönnum ekki í hug einfaldari lausnir. T.d. að hætta fljúga að óþörfu eins og til sólarlanda.  Bílar henta fötluðum og til stórflutninga.  Við ættum því að ganga, hjóla og nota almenningssamgöngur til að draga úr útblæstri.

Nei, það skal alltaf gera hlutina svo flókna að fólk hættir að sjá samhengi hlutana. Næst verður koltvíeldi safnað í eldflaugum og þeim skotið út í geim til að bjarga jörðini.

Hmmm , ég ætti að fá einkaleyfi fyrir þessari hugmynd.

ps . svo finnst mér að Óli ætti að fá sektarmiða fyrir glannaskapinn. 

Fjallað um Ísland í loftslagsumfjöllun Time

Fyrir tímalaust fólk

Stórkostleg græja. Hentar vel stressuðu nútímafólki sem tamið hefur sér heimskulega lifnaðarhætti og telur sig þurfa að vera allstaðar á sama tíma. Þessi lest mengar ekki eins og flugvél og því gott að vita að svona lestir eiga að fara víða. Ég er þó mest heillaður yfir gæðum teinana. Demparar lestarinnar hreyfðust varla á þessum hraða. Það er næsta víst að einkabíladellumönnum eins og okkur íslendum mun seint detta í hug að fjárfesta í einni svona... ekki nema þetta sé græjan sem fái okkur til að fara nota almenningssamgöngur.

Fundu vart fyrir heimsmetshraðanum um borð í frönsku lestinni

Fortíðadraugar

Ég er viss um að ef ríkisskattstjóri mundi hóta fólki með risamyndum af Davíð Oddsyni eða Halldóri Ásgrímssyni og krefja almenning um skattskil, þá er allt eins líklegt að fólk mundi rjúka til og greiða sína skatta. Það sitja margir í djúpum skít eftir þeirra ömurlegu stjórnarhætti. Ekki bara hér heima heldur líka úti í heimi.

Stalín minnti á ógreidda reikninga

Rassskellir

Ætli allir hafi verið að tala í síma þegar þetta gerðist?

Liklega fáum við ekki að vita það því mig grunar að það sé aldrei rannsakað í svona rassskellum.

Engan sakaði í fjögurra bíla árekstri

Dagur sannleikans

Mikið skelfing er lífið erfitt hjá bílafólkinu. Endalaust eignatjón og slys á fólki sem aldrei linnir sama hvað miklu fjármagni er kastað í "vegabætur". Þetta sannar að bílar henta ekki í íslenskri veðráttu.
 
Að vanda fór ég á reiðhjóli í vinnuna. Ekki lenti ég í neinum vandræðum enda sem hjólreiðamaður vanur því að þurfa að taka tillit til aðstæðna.  Á reiðhjóli er ég lika mun meðvitaðri um þessar aðstæður heldur en ef ég væri innilokaður inni í bíl í 30°C hita, með tóman maga á 70km hraða, hugsanlega að tala í símann og illa sofinn.

Eina vandamálið sem hjólreiðamenn á höfuðborgarsvæðinu standa frammi fyrir er ömurlegt aðstöðuleysi og óhugnarlega mikil bílaumferð. Ekki er hægt að hvarta yfir veðri. 

Það eina sem dugar er að lækka hámarkshraða í allri borginni niður í 30km. Efla almenningssamgöngur og leggja aðgreindar hjólreiðabrautir til jafns á við akbrautir. Setja svo það fé sem sparast vegna færri slysa, minna eignatjóns, bættrar lýðheilsu og tilkomuminni akbrautagerðar í öldrunarþjónustu og menntakerfið.

Förum svo að elska okkar nánustu meira en bílana okkar. Við höfum ekki gert það síðastliðna hálfa öld

Tafir og umferðaróhöpp einkenndu umferðina í morgun

Aular á ferð

Hvernig í ósköpunum getur þetta gerst. Mennirnir virðast ólæsir á vegtálma því vegurinn var og er lokaður. Svo virðast þeir gersamlega úr tengslum við sitt nánasta umhverfi þegar þeir vaða á þessari bílbeyglu út á víðáttumikið vatn sem þekur meira og minna alla Laugarvatnsvelli. Það væri spennandi að láta þessi menn fara í vímuefnatékk
Ég segi það hér og hef sagt það áður, þessi mikla bílanotkun og oftrú á getu bílsins veldur heiftarlegu dómgreindarleysi.

Búið að bjarga mönnum af bílþaki

Sáttmáli fyrir börnin okkar

 Ég hvet alla til að skrifa undir sáttmála Framtíðarlandsins
http://framtidarlandid.is/sattmali