Hjólreiðar spara mun fleiri miljarða

Það breytist harla fátt með tilkomu rafmagnsbíla. Jú, við losnum við púströrið og þann óþverra sem úr því kemur. Reyndar losnum við líka við að þá subbulegu pólitík sem fylgir olíunni s.s. hernað og annan yfirgang suðlægum löndum. Og þá er það upp talið.  Rafmagnsbílar breyta t.d. litlu eða engu þegar kemur að  framleiðslumengun, svifryksmengun, lýðheilsu, skipulagsmálum s.s. víðáttumiklum bílastæðum eða umferðamannvirkjum. Þá breyta rafmagnsbílar engu við kostnað við gerð samgöngumannvirkja, hávaðamengun, limlestingum og slátrun fólks og dýra í slysum eða minnka kostnað í heilbrigðiskerfinu.

Það má því teljast fagnaðarefni að borgin þorir að nefna hjólreiðar á fundum sem þessum. Það er eini samgöngumáti framtíðarinnar sem völ er á í ört fjölgandi heimi. Mannheimur þarf að leita allra leiða við að spara orku, ekki bara á olíu heldur LÍKA Á RAFMAGN.

Hjólreiðar spara margfalt fleiri miljarða krónur en akstur rafmagnsbifreiða. 

Reiðhjólið er eina raunhæfa orkusparandi farartækið sem völ er á í dag.  Það kostar u.þ.b. 100sinnum minni orku að framleiða það en hefðbundin fjölskyldubíl sem vegur u.þ.b. 900kg.

Hjólreiðar efla hreyfingu. Þær minnka því líkur á offitu, krabbameini, sykursíki, ofl. menningarsjúkdómum. Hjólreiðar minnka því kostnað samfélagsins til heilbrigðismála.

Með auknum hjólreiðum og fækkun bíla fækkar umferðarslysum sér í lagi alvarlegum slysum hvað þá dauðaslysum.

Svifryks- og hávaðamengun hverfur með auknum hjólreiðum. Það hverfur ekki með tilkomu rafmagnsbíla.

Flestir komast svo til sömu vegalendir á reiðhjóli og þeir fara vanalega á bílum.

Ef skipulag hættir að taka mið af aðgengi fyrir bíla og bílastæði og þess í stað taka mið af hjólreiðum þá verður það í fyrsta skiptið sem fyrirbærið "þétting byggðar" fer að verða spennandi með bættum lífsgæðum.

Færri bílar (þ.á.m. rafmagnsbílar)= minna malbik= fleiri reiðhjól= fleiri tré= betra veðurfar=meiri lífsgæði.

 Svona má endalaust halda áfram, en ég læt staðar numið hér 

Burt með alla bíla, líka rafmagnsbíla. Hjólum inn í framtíðina.  Borgin þarf 10-20  manns til að skipuleggja þá framtíð. Ekki einn mann í hlutastarfi eins og nú er.

Rafmagnsbílar spara milljarða

Ömurlegur fréttaflutningur

Nokkra fréttatíma á RÚV hefur borið á fréttum frá vestfjörðum um að einhverjir “menn” hafi farið að smala fé í fjöllum ofan við Tálknafjörð. Af fréttum að dæma þá er þarna um að ræða óhugnarlegt sauðfé sem hrakist hafi við ömurlegar aðstæður um aldaraðir án þess að “menn” hafi komið á þeim böndum.

 Þetta er svo sem ekki ný frétt. Áður hefur borið á því að þessir “menn” á vestfjörðum hafi fengið alla landsmenn til að taka þátt í þessum kindadrápum sínum með þátttöku Landhelgisgæslunnar.

En nú skal þessu óhugnarlega sauðfé útrýmt eitt skipti fyrir öll. Þó ekki berist fréttir af því hvað réttlæti beinlínis útrýmingu þessa kinda þá má lesa það á milli linana. Þessar kindur fara um rænandi og ruplandi, líklega líka nauðgandi konum, börnum og jafnvel mönnum og það sem örugglega þykir verst af öllu, skemma örugglega bíla.   

En því miður. Ég er bara ekki svo einfaldur að trúa þessu upp á þessar kindur.  

Getur verið að þessir mannræflar sem nú eru að smala fjöllin fyrir vestan hafi rokið af stað eftir að hafa séð “hetjudáðir” Færeyinga við sína smölun í sjónvarpinu? 

Hvað réttlætir það að útrýma einstöku afbrigði af villtu sauðfé aðeins vegna þess að það hefur ekki “réttu vöðvafyllinguna” að sögn eins kindadráparans?   

Varðar það ekki við dýraverndunarlög ef sauðfé er hrakið fram af klettum eins og gerist alltaf þegar þessir djöfuls vestfirsku aular smala þessum kindum?  

Ætlar RÚV ekki að spyrja nánar fræðimenn um þetta sauðfjárafbrigði?

 

Er ekki nauðsynlegt að stöðva drápin áður en allt þetta "háfætta" sauðfé er horfið af yfirborði jarðar?   

Hvað er að því að þetta sauðfé sé á stöðum sem enginn fer um nema í besta lagi fuglinn fljúgandi? Það er ekki svar við þessu drápum að einhver lög banni “lausagöngu búfjár”. Þá gildir það líka um hreindýrin á austurlandi. 

Ég hvet fréttastofu RÚV til að taka faglega á fréttaflutningi í þessu máli. Það er öruggt að ákvörðun um þessi suðadráp eru ekki tekin á faglegum grunni. Það hlýtur líka að vera ábyrgðarhluti að útrýma einstöku sauðfé á heimsvísu aðeins vegna þess að það uppfyllir ekki kröfur um vöðvafyllingu hjá einhverjum vestfirskum aula eða þrönga orðatúlkun "dýraverndunarlaga".

Samfélag fávita

Mér er ofboðið.

Ég skammast mín fyrir að teljast vera íslendingur. Þessi heimska þjóð á greinilega ekkert betra skilið en að fá yfir sig heimsendi. Hún getur greinilega ekkert lært af sínum heimskulegu mistökum. Helmingur "þjóðarinnar" dáir enn landráðaflokkana sem komu í henni það klandur sem hún greinilega botnar ekkert í.

Það eina sem bjargar þjóðernisvitund minni er að ég fæddist ekki á íslandi heldur í Þýskalandi. Guð sé lof.

Sjálfstæðisflokkurinn stærstur á ný

Stóru listaverki rústað fyrir annað minna.

Ég sárvorkenni Jónínu að hafa lagt nafn sitt og verk við umhverfis- og náttúruskandalinn Kárahnjúkastífu. Ég mundi ekki vilja bera þann ömurlega bagga.

Hringiða við Hálslón

Leyndarmálið sem þjóðin má ekki sjá.

Það er greinilegt að ekki á að upplýsa þjóðina um stærsta landráð íslandssögunar. Það sýnir allur seinagangur í aðgerðum. Landráðapakkið situr enn inn á alþingi, í stjórnkerfinu og í bönkunum og bíður nú í mikilli óþreyju eftir að  öll "málin fyrnist".

En á Íslandi höfum við "svo gott" sem enn fullan aðgang að internetinu. Því er það dásamlegt þegar netið opinberar smá part af spillingunni með birtingu svokallaðra "trúnaðarskjala". Það nýjasta og vonandi ekki það síðasta er fjármagnsaustur hjá Kaupþingi rétt fyrir hrunið í október á Wikileaks.org

Ég vona svo innilega að innan bankakerfisins sé í dag að finna einhverja heiðarlega einstaklinga sem munu smygla út skjölum svo almenningur sem á að borga brúsann fái að vita sannleikann.

... eða var Wikileaks skjalið eitthvað sem óvart fór ekki í pappírstætarann?

Frábær frammistaða

Þér félagar og Pétur og Hafsteinn eru greinilega í feikna góðu formi. Þeir ættu hiklaust að fá stuðning til að æfa og keppa erlendis. Við íslendingar eigum ekki aðeins þokkalega tuðrusparkara heldur líka alvöru hjólreiðamenn í heimsklassa. Við höfum svo sem áður átt athyglisverða hjólreiðamenn, en þeir fengu aldrei þann stuðning sem þeir þurftu til að ná langt. Nú þarf það að breytast. Við íslendingar getum vel átt okkar Lance Armstrong og jafnvel tvo. Menn þurfa bara stuðning til að sinna sínum hjólreiðum af fullri alvöru, ekki bara í hjáverkum eftir vinnu eins og þeir félagar Pétur og Haffi.  

Hafsteinn og Pétur langfyrstir

Bullið endalausa

Hvernig var það. Átti Kárahnjúkavirkjun ekki að redda okkar efnahagsmálum? Þó nærri allt austurhálendið sé undirlagt af þeirri ömurlegu 690MW framkvæmd þá hefur hún EKKI bjargað okkar efnahagsmálum. Þvert á móti þá skuldum við þá framkvæmd og ef við hefðum ekki farið í þá framkvæmd þá væri þjóðin í mun betri málum í dag. Þjóðin hefur ekki efni á því að taka lán til að rústa enn meira af óspilltri náttúru bara til þess eins að borga vaxtagreiðslur af stórkallalegum og heimskulegum framkvæmdum. Fallvötn íslendinga munu ekki bjarga neinu. Ef við ætlum að selja raforku úr landi um sæstreng er besti og jafnframt eini virkjanakostur okkar að loka álverum.  Best væri að við fyndum leiðir til að spara raforku frekar en að hlaupa stöðugt eftir að fullnægja sífellt aukinni orkusóun. Við gætum jafnvel selt þá hugmynd úr land.

Borgum Icesave með rafmagni

Nýr hreingerningarráðherra í Sóðalandi

Það er sorglegt að þurfa sjá eftir Kolbrúnu úr umhverfisráðuneytinu. Það eru ekki margir þingmenn sem voru/eru jafn vel til þess fallnir og hún. En maður getur ekki annað en verið sáttur við að fá Svandísi. Hún hefur sýnt að hún er með bein í nefinu. 

Ef Kolbrúnu hefði ekki verið hafnað af sínum flokkssystkinum hefði þjóðin áfram haft best til þess fallna þingmanninn í stóli Umhverfisráðherra. Kolbrún hefur alla tíð staðið vörð um náttúru landsins. Þar hefur hún látið málefnin ráða fremur en vinsældir. Það er ákaflega sjaldgæfur kostur í fari pólitíkusa í jafn mikilvægu málefni. Mig grunar að slæm útkoma Kolbrúnar í forvali flokksins sé nýju ungu fólki um að kenna sem hafði ekki pólitískt minni og lét því rótgróið baktal ráða för fremur en málefni síðustu ára. Kolbrún hefur alla tíð verið á milli tannanna á virkjana- og stóriðjusóðum þessa lands. Hún á sér því ekki marga stuðningsmenn. Helst er þá að finna í röðum einlægra náttúruverndarsinna sem því miður eru enn allt of fáir í okkar Sóðalandi.

Nú er bara að vona að VG þurfi ekki að fórna Svandísi í þessu mikilvæga ráðuneyti. Það sýndi sig í síðustu kosningum að Þórunn Sveinbjarnar fékk margar útstrikanir líklega aðeins fyrir það eitt að standa sig vel í þessu mikilvæga umhverfisráðuneyti. Svandísi bíður því það mikilvæga verkefni að koma vitinu fyrir heimska og þröngsýna sóðaþjóð sem hefur engan skilning á sjálfbærri þróun.

Svandís tekur við embætti umhverfisráðherra

Fyrirmynd fyrir hugmyndasnauða Íslendinga

Rakst á ágæta vefsíðu http://www.biomega.dk. Þarna hafa nokkrir hönnuðir tekið sig til og markaðssett t.d. reiðhjól sem að mörgu leiti gætu vel hentað íslenskum aðstæðum, s.s. hjól með drifsköft og diskabremsur. Svo nota þeir bara internetið til markaðssetningar.

Er ekki tímabært að við íslendingar förum að hugsa eins og þessir hönnuðir?

Þarna er ekki mengandi stóriðja heldur aðeins litið 7 manna fyrirtæki með litla yfirbyggingu sem framleiðir vistvæna vöru. Það hefur svo örugglega kostað minna en 250-300 miljónir að koma því á legg sem samsvarar einu atvinnutækifæri í áverinu á Reiðarfirði.

Þjóðin missir fyrsta alvöru umhverfisráðherrann

Það er ferlegt að Kolbrún skildi falla af þingi. Því þó Vinstri grænir hefðu unnið sinn besta sigur þá komst Kolbrún ekki inn. Þegar mér varð þetta ljóst á kosningakvöldi missti ég alveg áhugann á þessum annars merku kosningum. Kolbrún fékk heldur ekki mikinn stuðning frá sínum flokksfélögum í síðasta forvali. Mig grunar að það stafi af mikilli þátttöku ungs fólks sem hafði ekki kynnt sér þingsögu Kolbrúnar síðastliðin tíu ár.  Allir muna hinsvegar eftir neikvæðum spurningum fréttamanna sem gátu aldrei spurt hana um neitt nema það mundi skapa neikvæða umfjöllun.

Síðustu ríkistjórnir hafa svívirt umhverfisráðuneytið með því að nota það eins og afgreiðsluráðuneyti fyrir iðnaðarráðuneytið. Þó Kolbrún hafi alla tíð greinilega verið best til þess fallinn að sjá um ráðuneytið þá hafði þessi sóðaþjóð ekki rænu á því að gefa henni atvæði sitt. Kolbrún fékk því gullið tækifæri til að láta gott af sér leiða þann stutta tíma sem minnihlutastjórnin var við völd. Sjálfur var ég búinn að bíða eftir þessari stöðu í 10 ár Og satt best að segja mátti greinilega sjá og heyra að Umhverfisráðuneytið stóð allt í einu undir nafni. Þó Þórunn Sveinbjarnar hafi staðið sig furðu vel þá benti allt til þess að Kolbrún mundi gera betur.

En nú er stóra spurningin sú hver kemur í stað Kolbrúnar í Umhverfisráðuneytið? Fyrir mér er Umhverfisráðuneytið eitt mikilvægasta ráðuneytið. Það er því ekki sama hver því stjórnar. Sem stendur sé ég ekki nokkurn þingmann, jafnvel ekki úr röðum Vinstri grænna. Því vona ég að næsti umhverfisráðherra verði úr röðum fagmanna. 

Næstu dagar verða því nokkuð spennandi.

Sjá einnig blogg Hjörleifs